مش انوثة منك

موضوع: مش انوثة منك الأحد يوليو 17, 2011 7:09 am

مـــــش انوثــــــه منــــــــــك

...

- مش أنوثه منك تلبسى ضيق ولما تتسألى ليه تقولى بكل بساطة شكلى بيبقى زباله فى الواسع !!!!!!!!! ودى حريه شخصيه مع انك عارفه انه غلط

- مش أنوثه منك تفضلى قدام المرايا بالساعات متنحه لنفسك قال يعنى الى خلقك ماخلقش غيرك. والميكب اتنين كيلو ع وشك

- مش أنوثه منك تتنططى وتتشطرى بالكلام على واحده مبتعرفش تكلم رغم انك عارفه ان في اللي بتتكلم احسن منك 10 مرات

- مش انوثه منك انك تتريق على اللي رايح واللي جاي لمجرد التريقة وكل واحد فينا فيه العبر وانك تبصى لعيوب غيرك وتطنشى عيوبك

- مش انوثه منك ان قدوتك في الحياة تكون مذيعه بحمالات أو مطربه ببودى أو حتى ممثله والناس دي في غنى عنك وعن حبك وتشجيعك ويمكن تموتى ويموتوا ومتشوفيهمش وتنسى افضل قدوه ليكى فى الدنيا حبيبك وحببنا كلنا سيدنا محمد صلى الله عليه وسلم وزوجاته وامهات المؤمنين

- مش أنوثه منك انك تفضلى تلوكى فى التليفون بالساعات مع صاحبتك أو صاحبك وقافله على نفسك اوضتك وسايبه والدتك قاعده لوحدها

وترجعى تقولى دانا وحدانيه ومحدش فاهمنى!!!!!

- مش أنوثه منك انك تدلقى ازازة البيرفيوم على هدومك لمجرد بس انك تلفتى الانظار ونسيتى حديث الرسول الكريم (ماستعطرت امراة ومرت على قوم فاشتموا ريحها الا وهى زانيه)
....

- مش انوثه منك انك تكلمى ده و توعدى ده بأحلام ورديه ... و في الأخر ترضى باول واحد يتقدملك لمجرد انه جاهز

- مش أنوثه منك انك تفضلى تتكلمى فى التليفون مع واحد وتفهميه انه كل حياتك ودنيتك واحلامك ويكون عالويتنج واحد تانى

ولما تردى عالتانى تقولى سورى كانت صاحبتى وتقوليله نفس الكلام الى قولتيه للاولانى

- مش انوثه منك انك لو رايحه درس او كورس او أى مشوار تفضلى تتزوقي مع ان لو قومتى تصلى بيكون غصب عنك

- مش انوثة منك انك تحبى مغنيه ولما تحب صحبتك مغنيه تانيه تقعدى تتنقدى عليها ولما تيجى تتكلمى تروحى تقولى بكل سخف ديه اراء والاختلاف فى الراى لا يفسد للود قضيه

♥ ان الأنوثه مش بالشكل ولا بالجمال ..الانوثه روح حلوة وقلب صافى وقبول♥............. ولا ايــــــــــــــــه يا بنـــــــــــــــــات ؟؟؟؟؟